Citroen нижи успеси во Европа

Citroen во првиот квартал од годинава постигна исклучителен успех во Европа

објавено на 24 април 2019 година

Од 12-те најголеми автомобилски марки на европскиот пазар според регистрираните патнички и лесни комерцијални возила, Citroen забележа најголем раст. Францускиот производител кај патничките возила дури е и единствен на топ-12 листата кој воопшто забележа пораст, и тоа за 5,8% на пазар кој опадна за 3,2%. Во неколку земји Citroen забележа двоцифрен пораст во продажбата на патнички возила во првиот квартал, и тоа:

• во Франција (најголемиот пазар на Citroen во Европа): + 10,3%
• во Обединетото Кралство (четвртиот пазар по големина): + 16,8%
• во Данска (седмиот пазар по големина): + 26,8%
• во Португалија (осмиот пазар по големина): + 15,4%

Со ова Citroen прокнижи 0,3 поени во пазарниот удел на патнички и лесни комерцијални возила споредено со првиот квартал од 2018 година. Во Франција пак тој се зголеми за 0,6 индексни поени, со што марката достигна 11,8% пазарно учество. Истите 0,6 поени се забележаа и во Шпанија  (третиот пазар по големина) каде марката достигна учество од 7,4%, како и во Италија која е втор пазар по големина, каде со порастот од 0,3 поени се достигнаа 5,3% пазарно учество. Овој резултат му овозможи на Citroen да добие повисоко место во рангирањето помеѓу марките, каде сега е 7-ми во споредба со 8-мото место во првиот квартал од 2018 година.