Ги чекаме Q7, Q9 и помал електричен модел
Audi продолжува да ја обновува и шири својата гама – после успешно лансираните A5, Q5 и A6 на ред се поголемите модели меѓу кои има изненадување – Q9. За него се шушка дека ќе биде лансиран со суфиксот Horch во ознаката што јасно кажува колку високо ќе цели. Деталите се кријат но извесно е дека нема да биде електричен како и дека Германците сериозно ќе размислат дали да го остават без дизел мотор. Што се однесува до Q7 работите повеќе или помалку се јасни додека најмалиот електричен модел во понудата може да биде пласиран како A2. Нема да има бензински верзии но ќе го нема ниту дизајнот од Concept C бидејќи развојот веќе му е пред крај.
