Арамидни влакна за безгрижно возење
Nokian Tyres ја проширува употребата на арамидната технологија на пневматиците за комби и камп возила
Објавено на 23 јануари 2018 година
Технологијата на арамидните бочни ѕидови на компанијата Nokian Tyres е осмислена да овозможи поголема издржливост во тешки услови. Дополнителната издржливост што ја овозможува овој изум сега е достапна и на професионалните возачи и камперите бидејќи употребата на арамидната структура на бочниот ѕид која се состои од издржливи арамидни влакна се проширува на пневматиците на компанијата Nokian Tyres за комби и камп возила. Нивните пневматици често се изложени на тешки услови на работа бидејќи возилата се тешки и се возат под полно оптоварување по лоши патишта, неуредени паркинзи и преку ивичници. Пневматиците мораат да ја носат целата тежина на возилото и да овозможуваат безбедно и стабилно управување во сите околности. „Сакаме на возачите на комби и камп возилата да им ја понудиме истата издржливост која веќе им е на располагање на корисниците на нашите пневматици за SUV и лесни транспортни возила. Покрај заштитата од изненадни неплански трошоци предизвикани од оштетувањата на пневматиците, арамидните влакна исто така ќе обезбедат и товарот без проблем да стигне до својата дестинација“, вели Петри Ниеми, шефот за производство и ценовен менаџмент на компанијата Nokian Tyres.
Рабовите на ивичниците и ударните дупки можат сериозно да го оштетат пневматикот. Оштетувањата на бочниот ѕид обично бараат замена и купување на нов пневматик. Цврстото јадро на бочниот ѕид со арамидна технологија го сочинуваат арамидни влакна кои се наоѓаат во иновативната структура на бочниот ѕид. Истиот материјал се користи и во авијацијата и воената индустрија. Арамидните влакна го засилуваат бочниот ѕид за да го направат уште поотпорен на надворешни удари и оштетувања. Технологијата на арамидни бочни ѕидови веќе неколку години е во употреба кај SUV пневматиците на компанијата Nokian Tyres.
