Што полесен, тоа подобар

Некои приклучни хибриди страдаат од тежина на батеријата!

објавено 24. декември 2020

Приклучните хибриди покажуваат мала потрошувачка на хартија. Просечните вредности се движат помеѓу 1,8 и 2,1 литар на изминати 100 километри. Гермнскиот Автомобилски клуб направи тест на десет популарни плаг-ин хибриди каде се добиени различни резултати. ADAC тестирајќи ги расположливите возила заклучи возилата „честопати работат само умерено добро“. Во Екотестот само два модели добија четири од пет можни sвезди. Тоа се Hyundai Ioniq и Volvo V60 T6. Далеку поскапите Mercedes-Benz GLE 350 de и BMW X5 x-Drive се најдоа на дното на табелата освојувајчи само една ѕвезда. Останатите тестирани возила добија две или три sвезди. ADAC кандидатите ги тестираше во три сценарија и тоа: електричен погон со доволно наполнета батерија, погон со мотор со согорување и мешана работа во која батеријата се полни на секои 100 километри. Знаменосецот на Hyundai постигна добри резултати со своето аеродинамично тело низ сите три сценарија. Volvo V60 T6, кој исто така освои четири sвезди, троши малку повеќе поради својата голема тежина. Двете луксузни спортск-корисни возила BMW и Mercedes, имаа хендикеп поради својата тежина која ја надминува границата на 2,5 тони, што може да се припише на големите батерии. Според ADAC, заклучок е дека аспектот за заштита на животната средина не се спроведува тука во пракса. За да го извлечете максимумот од возило со приклучен хибрид, батеријата треба редовно да се полни. Само на овој начин возачите можат да го искористат потенцијалот на дополнителниот електричен мотор и значително да ја намалат потрошувачката на гориво и емисијата на СО2. Во кратко, тоа значи дека најдобро би било овие возила да се возат само на струја, а тогаш се наметнува само по себе прашањето Заошто ми е тогаш плаг-ин хибрид кога може да купам потполно електрично возило? Заради ограничениот опсег, приклучните хибриди се особено интересни за потрошувачите кои можат да ги полнат батериите дома или во канцеларија. Во прилог е табелата со дел од резултатите на тестот што го спроведе ADAC.