Не се согласија да се спојат но решени се да соработуваат
Со цел да ги подобрат своите технологии на ниво на кое би можеле да им конкурираат на најнапредните авто-компании во светот, Honda и Nissan се договорија за заеднички развој на клучни електронски и софтверски архитектури за автомобилите од новите генерации. Согласни дека кај новите возила сé поголем број функции зависат од софтверот а не само од класичната механика, ваквата архитектура би требала да овозможи побрз развој, поедноставни ажурирања и што е посебно важно значително намалување на трошоците. Во центарот на соработката се наоѓаат централните електронски управувачки единици, оперативниот систем на автомобилот и софтверот кој управува со различни функции. Поедноставно речено, Honda и Nissan сакаат заеднички да ги развијат дигиталните мозоци на идните автомобили. Првите модели кои ќе ги делат бенефициите од оваа соработка се очекуваат во 2029-та година.
