Chery го дефинира европското присуство на Tiggo серијата кросовери
Веќе лансирана на некои европски пазари, серијата кросовери Tiggo ја покажува вистинската ударна сила на Chery. Значаен адут од неа е моделот Tiggo 7 кој иако веќе добро завлезен во години има современа механика и ниска цена која во Велика Британија стартува од 25 илјади фунти за бензинската и 30 илјади за плаг-ин верзијата. Освен со електричната автономија од 90 километри таа го привлекува вниманието со пространата доста богато опремена практична каросерија и гаранцијата од 7 години или 160 илјади километри. Хибридниот систем чија основа е 1,5 литарски турбо мотор располага со 322 коњски сили а батериите со капацитет 18,3 kWh по потекло од CATL се полнат од 30 до 80 отсто за 20 минути. Истиот погонски систем е употребен и за поголемиот Tiggo 8 кој има седум седишта, чија цена засега е непозната.
