Откако беше доведена во прашање неговата егзистенција, Lynk & Co агресивно започна да ја шири својата понуда и го подготви за лансирање третиот свој модел во Европа.
Означен како 08, тој сигурно ќе им се допадне на купувачите бидејќи станува збор за маратонски плаг-ин кој на струја може да помине дури 200 километри.
Пазарниот потенцијал на овој кросовер го истакнува и способноста батериите за 33 минути да му се наполнат до 80 отсто од капацитетот. Долг е 4,8 метри и ја дели техничката основа со Volvo XC40 која вклучува 1,5 литарски бензинец и два електромотора со вкупна моќност од дури 593 коњски сили.
Лани во Кина од него се продадени 80 илјади примероци, а во Европа ќе може да се купи за 53 илјади евра. Очигледно Geely ги менува правилата на игра подготвувајќи терен за поголеми пазарни успеси во годините што следат.
