VW ID.7 Pro S со батерија од 86 kWh е едно од електричните возила со најдолг домет во својата класа.
Практичниот тест на тимот на Volkswagen Switzerland успеа со едно полнење на батеријата и за 15 часа и 42 минути време на возење да помине вкупно 794 километри со ID.7 Pro S. Профилот на маршрутата одговараше на секојдневното возење низ градовите, делниците на автопатот и патиштата со ридски премини. Осум различни возачи поминаа вкупно 794 километри за два дена по ред со само едно полнење на батеријата. Ова приближно одговара на рутата од Базел до Емден во северна Германија, каде што се произведува ID.7.
Просечната потрошувачка беше на исклучително ниско ниво од 10,3 kWh/100 км. Само за споредба, најниската вредност според WLTP на моделот е 13,6 kWh/100 км. За љубителите на дизел моторите, просечната потрошувачка на гориво е само околу 1,1 литри на 100 km. Просечната брзина на движење беше 51 км/ч. Времето на полнење на полнач со моќност на полнење од 200 kW е само 10 минути за 244 км, додека 26 минути беа доволни батеријата да се полни од 10 до 80 проценти.
