ПОЦ и неговите клиенти нападнати со измама
Паркинзи на Општина Центар известува дека има пријави на поставување на лажна Дневна Паркинг Карта (ДПК) при која се злоупотребени дизајнот и логото на ЈП Паркинзи на Општина Центар. На неа стои QR код кој треба да се скенира и да се изврши онлајн уплата за истата, а истиот води кон веб-адреса која нема поврзаност со ЈП ПОЦ и е со цел преку измама да се извлечат парични средства. ПОЦ апелира граѓаните да бидат внимателни и доколку забележат ДПК од овој тип веднаш да го известат претпријатието. Единствената веб-адреса за онлајн наплата на ДПК на претпријатието е https://users.poc.mk/PayDpk. Од страна на ПОЦ се преземаат мерки за пријави до надлежните органи и информирање на јавноста со цел заштита на граѓаните.
