Aspark Owl SP600 постигна 438,7 km/h
Rimac Nevera повеќе не е најбрз електричен автомобил – Aspark Owl SP600 постигна 438,73 km/h. Јапонскиот суперспортист кој се произведува во Италија во соработка со компанијата Manifattura Automobili Torino до своите крајни граници дојде на германската тест патека во Папенбург, истата онаа каде и Nevera ги постави своите рекорди. Брзината која е за 26,7 километри повисока од хрватскиот рекорд верификувана со Racelogic V-Box уредот ја постигна 45-годишниот германски возач Марк Басенг, кој во 2010-тата има поставено рекорд на Нирбургринг со Pagani Zonda R. Техничките детали за возилото не се откриени но се навестува дека се работи за нов модел еволуција на претходниот кој допрва треба да биде претставен.
