Проширувањето на регулативата за ЕВ сега ги вклучува емисиите на јаглерод во процесот на производство. Тоа направи неколку модели да останат без француските стимулации за купувачите
Три од најпопуларните ЕВ на францускиот пазар, Dacia Spring, Tesla Model 3 и MG4, ќе ја изгубат својата подобност за стимулации за ЕВ. Новите барања ги фаворизираат автомобилите произведени во Франција и Европа во однос на оние произведени во Кина. Сите три споменати модели се произведени во Кина и увезени во Франција.
Според новите барања за подобност, ќе се земе во предвид количината на емисии на јаглерод диоксид во производниот процес. Возилата произведени во Кина, каде што поголемиот дел од енергијата доаѓа од фосилни горива, главно јаглен, се во значителна неповолна положба според новата програма. Француската влада веќе одобрува паричен поттик од 5.000 до 7.000 евра за да се омасоват електричните автомобили, во висина од 1 милијарда евра годишно.
Меѓутоа, во отсуство на евтини електрични возила од европско производство, една третина од сите стимулации наменети за потрошувачите кои купуваат електрични возила отпаѓаат на возила произведени во Кина, велат претставници на француското Министерство за финансии. Во објаснувањето за мерката се наведува дека стотици милиони евра јавни пари се одлеваат за возила со многу слаб јаглероден отпечаток.
За да се квалификува за бонусот, електричното возило мора да има ограничено влијание врз животната средина, за време на фазите на производство и транспорт. Списокот на подобни модели, објавен од француската влада, вклучува 24 ЕВ од Stellantis и пет од Renault. Моделот Y на Tesla, кој е произведен во Германија, има право на бонус, но кинескиот модел 3 не.
Слично на тоа, број 1 на Smart, произведен во Кина, не е на листата, но ForTwo, произведен во Франција, е. Другите модели произведени во Кина, како што е BMW iX3, исто така нема да бидат подобни за стимулации бидејќи се премногу скапи. Се очекува губењето на стимулации да и наштети на продажбата. Според истражувањето на Jato Dynamics, просечната малопродажна цена на EВ во Европа беше повеќе од 65.000 евра во првата половина на 2023 година, во споредба со онаа во Кина која изнесува нешто повеќе од 31.000 евра.
