Во чест на 50-от роденден
Својата 11-та генерација Civic ја искористи за хибридизација. Ова го отвара патот на Honda кон конструирање на БЕВ.
Надоврзувајќи се на 50 годишното наследство, целосно новиот хибриден Civic комбинира силни перформанси и ефикасност со подобрени нивоа на удобност во внатрешноста, визуелна привлечност и севкупна употребливост. Тој е предвесник на интензивираната електрификација што Honda ја спроведува во Европа. Само за следната година најавени се три новитети, од кои еден потполно електричен.
Со ова Civic ја закружува мисијата на марката да ги електрифицира сите европски модели до крајот на 2022 година. Претставен вчера, тој ќе се појави на европскиот асфалт кон крајот на третиот квартал. Во својот изглед, Civic отелотворува нов, прогресивно возбудлив пристап кон дизајнот. Заедно со развојниот принцип на Honda „Man-Maximum, Machine-Minimum“ (M/M), овој заеднички пристап ги обликуваше сите аспекти на дизајнот и развојот на Civic. Нема ништо ново да кажеме кога ќе ја опишеме погонската група.
Наставката e:HEV се однесува за хибридно електрично возило чиј мотор е поврзан е со нова литиум-јонска батерија од 72 ќелии што ги напојуваат двата компактни, но моќни електрични мотори. Тие соработуваат со новоразвиениот дволитарски бензински мотор со директно вбризгување. Погонската група испорачува максимална моќност од 135 kW и 315 Nm вртежен момент. Од лансирањето во 1972 година, Honda го има „испечатено“ Civic повеќе од 27,5 милиони пати и распоредено во 170 земји. Целосно новиот Civic се надоврзува на претходните генерации и ветува дека ќе постави нови стандарди за класа кога ќе пристигне во Европа од есента 2022 година.
