Историски најниски цени на бензинот кај нас

Објавено на 24 март 2020 година

Намалувањето на цените на бензинот што оваа и минатата недела го направи регулаторната комисија за енергетика на Македонија го донесе на историски најниско ниво откако овој вид горива е воведен кај нас. Претходно тој беше најевтин во последната недела на февруари и првата недела на март 2016-та година, кога литар еуросупер БС-95 чинеше 55 денари. Неговата цена сега изнесува 49,50, а минатата недела беше 54,50 денари. За војна на вистината, горивата порано беа и уште поевтини но сепак се работеше за деривати со други стандарди неспоредливи со сегашните ниту по квалитетот, ниту по производствената цена. Дизелот пак најевтин беше при крајот на јануари и почетокот на февруари истата година, кога литар чинеше 39 денари. Со оглед дека во меѓувреме се смени неговата акциза која порасна за 3 денари, однос со ДДВ за уште 18%, неговата цена сега би изнесувала 42 денари. Дали идната недела и тој ќе падне под својот историски минимум тешко е да се каже, со оглед на непредвидливоста на движењето на цените на суровата нафта на светскиот пазар. Ние сепак не би се надевале на тоа.