Хаос во Скопје после новите цени на ПОЦ

Top News Занимливости Македонија

Хаос во Скопје после новите цени на ПОЦ

Објавено на 13 јануари 2020 година

Се очекуваше да се намали гужвата во паркирањето во централното градско подрачје на Скопје со новите цени на јавното претпријатие Паркинзи на општина Центар, но тоа доведе до реакција која одговорните не ја очекуваа – денеска уште од раните утрински часови во центарот на градот владее сообраќаен хаос предизвикан од одлуката паркирањето да поскапи за 20 денари за секој час. Реакциите на јавноста во однос на неа беа поделени – додека едни сметаа дека е сосема оправдана за да се воведе каков-таков ред при паркирањето во централното градско подрачје на Скопје, други сметаа дека е себична и дека не соодветствува на реалната ситуација на теренот. А таа, судејќи според најновите случувања таму, нема уште долго време да биде разјаснета. Како и да е, новите цени за паркирање на местата кои се под ингеренција на јавното претпријатие Паркинзи на општина Центар веќе се за 20 денари за час поскапи и ќе останат такви.