Светот на автомобилите остана без уште едно име

Вести

Светот на автомобилите остана без уште едно име

Објавено на 29 август 2019 година

Џеси Комбс, позната по своето учество во ТВ емисиите Overhaulin’, Truck U, Two Guys Garage, All Girls Garage, Xtreme 4×4 и секако Mythbusters, загина во обид да ја задржи титулата најбрзата жена во светот. Откако лани за малку не успеа, 39-годишната Џеси по втор пат се обиде да го собори сопствениот брзински рекорд од 640 километри на час што го постави во 2013-та. Членовите на екипата која ја придружуваше се обиделе да ја спасат, но попусто. Детали за самата несреќа не се објавени, но јасно е какви можат да бидат повредите што можат да се добијат при такви брзини. Штуро официјално соопштение за настанот издаде и канцеларијата на шерифот од најблиското место, со напомена дека несреќата се истражува.