Неизвесна иднината на салонот во Женева

Top News Салони

Неизвесна иднината на салонот во Женева

Објавено на 29 јуни 2020 година

Откако западна во финансиска криза по неодржувањето на годинешното издание, сега е неизвесна и иднината на салон на автомобилите во Женева. Имено, фондацијата која го организира се обрати со соопштение за јавноста во кое информира дека се откажува од организација на настанот и идната година. Како причина за тоа се наведува дека поголем број од анкетираните потенцијални изложувачи изјавиле дека најверојатно ќе ја прескокнат и 2021-вата и повторно ќе планираат да учествуваат во 2022 година. Тоа секако е силен финансиски удар за организаторот, кој заради несогласување со условите го одби заемот добиен од кантонот Женева. Заради сето тоа,  манифестацијата најверојатно ќе биде продадена на Женевското сајмиште Palexpo.