За среќа, само за малку

Врз основа на движењата на референтните цени на нафтените деривати на светскиот пазар кои забележаа поскапување кај бензините во просек за 1,23% и кај дизелот за 0,888%, имајќи го предвид и поевтинувањето на доларот за 0,102%, регулаторната комисија за енергетика ги зголеми цените на нафтените деривати кај нас. За среќа, само за малку – едвај половина денар. Така, од ноќеска среде ноќ малопродажната цена на еуросупер БС-95 бензинот ќе изнесува 83 денари, а на еуродизел Д-Е V еден денар повеќе. Заради заокружувањето на цените, еуросупер БС-98 бензинот ќе се продава за истите 85 денари за литар како и во изминативе денови.