Верувале или не, горивата поевтинуваат

Top News Македонија

Верувале или не, горивата поевтинуваат

Објавено на 22 јули 2019 година

Во време кога половина од нас се некаде појужно, верувале или не, горивата поевтинија. Според одлуката на регулаторната комисија за енергетика од ноќеска на полноќ ќе ги полниме резервоарите со бензин за кој ќе плаќаме помалку за цел денар, а за дизелот по половина. Со бројки изразено, литар Еуросупер БС-95 ќе чини 69,50, литар Еуросупер БС-98 71,50, а литар Еуродизел БС Д-Е V 61,50 денари. До ова е дојдено со математичка комбинаторика на намалувањето на референтните цени на нафтените деривати на светскиот пазар во споредба со оние од изминатиот седумдневен период кај бензинот за 3,597% и кај дизелот за 1,083%, како и со поскапувањето на доларот за 0,016%.