Горивата повторно поевтинуваат

Објавено на 27 јануари 2020 година

Овојпат и бензините и дизелот – таква одлука донесе регулаторната комисија за енергетика на Македонија после анализата на движењата на берзанските цени на дериватите на светскиот пазар кои во минатата недела се намалија кај бензинот во просек за 2,06%, а кај дизелот за 2,74%. Истовремено, доларот поскапе за 0,348% што резултираше со намалување на цените на дериватите кај нас во просек за 1,80%, односно бензините за 0,50 а дизелот за 1 денар. Така, од ноќеска, малопродажната цена на еуросупер БС-95 ќе изнесува 67,50 денари за литар, на еуросупер БС-98 69,50 денари, а на еуродизел Д-Е V 60 денари за еден литар.