Пред автомобилската индустрија стојат многу предизвици. Технологијата со секавична брзина се развива, особено во делот на електрониката, безбедносните и системите за автономно возење. Полека, но сигурно оската на автомобилската индустрија се поместува кон Кина. Најнаселената држава е најголема и во производство на електрични возила и веќе станува нормална појава европските и американските марки да имаат тамошно производство за глобалниот пазар. Од Европа доаѓа веста за нова генерација на супер автомобил потпишан од McLaren.
