Со сите почести Geely го лансираше својот најголем модел
Со кросоверот 9X, луксузната марка Zeekr прави исчекор од досегашната практика да нуди само чисто електрични возила. Неговата цврста плаг-ин платформа овозможува употреба на потешки батерии а воздушното ослонување со можност за висинско подесување, активните амортизери и електрични контролираните стабилизатори максимални нивоа на комфор и безбедност.
Долг е 5,2 и малку поширок од 2 метри а меѓуоскиното растојание од 3,17 метри овозможува сместување на три реда со по две седишта. Дизајнот му е доста атрактивен со масивна маска, светла во облик на буквата Ц и тркала со стандардна големина од цели 22 инчи. Напредни технологии има едно чудо, меѓу кои и систем кој го држи возилото стабилно во случај на издишување на пневматик при брзини до 120 километри на час.
Основа на погонскиот систем е дволитарски бензинец кој заедно со два или три електромотори кај базната верзија испорачува 900 а во посилната дури 1.400 коњски сили. Што можат тие, не треба многу фантазија да се замисли. Електричната автономијата во зависност од пакетот изнесува 235 односно 300 километри а со полн резервоар бензин можат да се поминат цели 1.250 километри. Покрај сето ова, стартната цена од 55 илјади евра изгледа прениска дури и за кинески стандарди. Постојат реални можности нешто од него да се пресели и во моделите на Volvo.
