После европската лани, Volkswagen ја претстави третата генерација и на американската верзија на Tiguan. Овој модел кој од скоро нам ни е познат како Tayron и понатаму ќе се произведува во Мексико.
Значаен е за марката бидејќи е нивни бестселер таму, заради што не се експериментираше многу. Сосема познатите линии сега се попривлечни за американските купувачи, на чиј вкус се додворува и со неколку значајни подобрувања на модернизираната кабина во која има само два реда седишта.
За него е наменет унапредениот дволитарски турбо мотор со 201 коњска сила, спарен со осумстепена автоматика. Освен дека заради употребата на алуминиум е за 77 килограми полесен и дека може да влече приколка тешка до 820 килограми, германскиот производител остана краток за другите поважни податоци меѓу кои и потрошувачката.
Опременоста е на ниво какво се очекува од возило со цена од околу 30 илјади долари. Volkswagen лани во Соединетите Американски Држави има продадено 76 илјади примероци од досегашниот Tiguan.
