Сметката нарасна за уште милијарда

Трошоците на Volkswagen за дизелгејт аферата надминаа 30 милијарди евра

објавено на 3 мај 2019 година

Извештајот за работењето на VW групата во првиот квартал содржи уште една непријатна ставка – дополнителна милијарда евра се издвоени за правни ризици поврзани со дизелгејт аферата, со што вкупните трошоци што ги претрпи компанијата надминаа 30 милијарди евра. Вкупниот износ ги опфаќа ангажманите на адвокатските тимови, исплатите на надоместоците и плаќањата на останатите вонредни правни процедури. Како што соопшти Франк Витер кој во одбор на директори е задолжен за финансии, со оваа сума се покриени сите трошоци што можат да се предвидат во овој момент, но не се исклучува можноста дека ќе ги има уште.