Малиот кросовер на европскиот пазар ќе биде лансиран есенва
Volkswagen продолжува со збогатувањето на понудата на електрични возила.
Само што ги прикажа првите фотографии на електричната верзија на најмалиот кросовер Т-Cross чие лансирање е закажано по летните одмори. Камуфлажната униформа не дозволува да се видат деталите на каросеријата,
но јасно е дека ID. Cross се карактеризира со новиот дизајнерски јазик Pure Positive Volkswagen со јасни линии, избалансирани пропорции и висококвалитетен изглед.
Пет седишта, ефикасно користење на просторот и интуитивни функции и копчиња, како и дисплеи со голем формат го заокружуваат целокупниот впечаток на моделот. Што се однесува до погонскиот систем, ID. Cross е флексибилно позициониран.
Се нудат нивоа на моќност од 85 kW, 99 kW и 155 kW, во комбинација со две големини на батерии со нето капацитет од 37 kWh и 52 kWh. Ова значи дека моделот покрива различни профили на употреба – од претежно градско возење до редовни патувања надвор од градовите.
Проектираната почетна цена е околу 28.000 евра, па може да се заклучи дека ID. Cross ќе има привлечен сооднос цена-перформанси.
