Volkswagen – Multivan PHEV

Вести

И ”Були“ на штекер

VW ја проширува палетата на електрифицирани модели

објавено 21. мај 2021

Прeд премиерата закажана за следниот месец VW објави дека новата генерација на легендарниот Bulli ќе има плагин изведба. Литиум-јонската батерија е сместена во подвозјето со што е заштеден простор и истовремено го намалува тежиштето на комбето. Главниот двигател ќе биде бензински TSI мотор а производителот ветува дека типичните дневни растојанија можат да бидат опфатени без емисија на штетни гасови. Во искуството со досегашните плагин хибриди од Волфсбург тоа значи дека автономијата ќе биде од околу 50 километри. Новиот Multivan со ознака T7 е дизајниран како удобен транспортер на патници со седум седишта.