Touring Superleggera – Arese RH95

Занимливости насловна

Екстравагантен Франкенштајн

Позајмената основа и техника ги краси безвременски скроената каросерија

објавено 07. јуни 2021

Италијанците имаат уште еден суперавтомобил за фалење. Доаѓа од скоро сто години старата каросерница Touring Superleggera од Милано и е наречен Arese RH95.

 

Одличниот изглед е плод на богатото наследство што оваа компанија го има. Дизајнерите балансирале меѓу театралноста и уметноста, креирајќи уникатен автомобил кој остава без здив.

Техничката основа е непозната, но се претпоставува дека е од Ferrari F8 Tributo. На тоа сугерираат штурите технички податоци во кои се среќава дека моторот е V8 со 720 коњски сили, кои преку седумстепена трансмисија се пренесуваат на задните тркала.

Непозната е и цената која ќе биде соопштена само на 18-те купувачи, колку што примероци ќе бидат направени.