Škoda Vision RS :: Еден брз поглед

Новитети

Еден брз поглед

Со концептот Vision RS, Škoda ни ја покажа својата визија за идните RS модели
Објавено на 1 октомври 2018 година

Предвечерието на салонот на автомобилите во Париз е идеална прилика да се престават своите премиери пред сите други. Но тоа мора да биде брзо – токму како што Škoda го направи со Vision RS. Сепак и да имаше повеќе време на располагање, пак брзо ќе го претставеше бидејќи овој концепт ја претставува брзината, онаква каква што во иднина ќе ја гледаме од Škoda. Идејата на неговото создавање е да се искомбинираат задоволството во возењето и одговорноста за животната средина, и тоа во еднаква мерка. Затоа и Vision RS има plug-in хибридна погонска група – 1,5 литарскиот TSi му дава на 150 коњски сили, а електромоторот уште стотина. Пакетот батерии поддржува автономија од 70 километри со возење без емисии.

Освен за брзината и екологијата, новиот концепт ја покажува визијата на Škoda и за ентериерот на идните модели. Внатрешниот дизајн ја истакнува подобрената функционалност, а големиот инфозабавен дисплеј на централното место желбата за создавање пријатен амбиент. Тоа е поткрепено и со седиштата направени од еколошки материјали и поврзувањето со гласовниот асистент Alexa. Иако претставен во друга конотација, се очекува од овој концепт да се изроди наследникот на Rapid.

клучни зборови: