Прв поглед на новиот интериер
Пред светската премиера на новите генерации на Kodiaq и Superb, Škoda ги објави првите фотографии на внатрешноста на двата успешни модели. Веќе на прв поглед е јасно дека се направени темелни концептуални промени, пред сé, релоцирањето на селекторот на менувачот.
Кај двата модели тој сега се наоѓа на столбот на воланот, потег што овозможи централната конзола да има уреден, јасно структуриран распоред, отворајќи дополнителен простор за одложување на дребулии. За прв пат во Kodiaq и Superb се вклучува head-up дисплеј од 13 инчи кој го надополнува 10,25-инчниот виртуелен кокпит и самостоен централен инфозабавен дисплеј кој е со димензии од 12,9 инчи во дијагонала. Исто така, дебитирајќи, кај двата модели, Škoda Smart Dials се иновативни ротирачки копчиња кои паметно ги интегрираат хаптичките и дигиталните компоненти за поинтуитивно искуство.
Тие нудат интуитивен пристап до различни функции, како што се температурата во внатрешноста, греењето на седиштата и вентилацијата на седиштата или јачината на инфозабавниот систем, режимите на возење и зумирањето на мапата, додека нивните дисплеи овозможуваат брз и целосен преглед. Во Kodiaq и Superb сега има куќиште за брзо индуктивно полнење на соодветни паметни телефони со моќност до 15 W. Кај теренецот може да се полнат два уреди во исто време. Фотографиите покажуваат дека понудени се четири USB-C порти со 45 W и 15 W USB-C приклучок во ретровизорот. Ergo седиштата со функција за пневматска масажа се достапни и за двата модели. Како чекор кон поголема одржливост, Škoda за тапацирање на седиштата користи материјали направени од 100 проценти рециклиран полиестер.
Она што функционира не треба да се менува, па две практични решенија се задржани, а тоа се чадорот во возачката врата и стругалката за мраз. Како што е применето кај другите модели на Škoda, традиционалните линии на опременост се заменети со концептот Design Selections. Во Kodiaq тоа се Loft, Lounge или ecoSuite во црна или коњак боја. За четвртата генерација на Superb, нивото на опременост Essence го вклучува Design Selection Studio, Loft и Lounge, како и Design Selection Suite во црна боја и коњак.
Врвниот модел L&K ја проширува понудата со Design Selection L&K Suite во црна и коњак боја, која може да се пофали со кожа одржливо штавената со помош на отпадна вода од преработка на маслинки.
