Kadjar ќе се преименува!

Austral е новото име на претстојниот компактен крос-овер

Renault ќе го претстави наследникот на Kadjar напролет со што стапува на сила неговото преименување во Austral. Со моделот долг четири и пол метри, марката сака да ја продолжи офанзивата во сегментот C што беше започната со Arkana и Mégane E-Tech Electric. Името Austral е изведено од латинскиот збор „australis“ (= југ), кој се користел во изменета форма во многу европски јазици, вклучително и францускиот. Новото име на моделот треба да пренесе интернационалност, како и асоцијации со јужните, шарени и топли региони што се вредни за истражување.