Проблеми за Tesla, ама вистински

Објавено на 27 август 2018 година

Додека Елон Маск се занимава вешто пливање низ дивите финансиски води, а берзите книжат пораст или опаѓање на вредноста на акциите, Tesla има други проблеми ама вистински. Ќе споменеме два, и двата тешко сфатливи за останатите производители и нивните купувачи. За првиот подобро кажува сликата на овој Model 3 за кој сопственикот платил дури 78.000 долари – панелите на задните врати се различни, еден бел (каков што треба) а вториот кафеав (каков што имале). Вториот проблем се однесува на сите сопственици на „евтиниот“ електричен седан, кој испадна дека е сé само не е евтин – годишното осигурување за него во САД чини цели 2.800 долари, исто колку и за Porsche 911. Затоа Tesla покрена сопствена линија на осигурување под назив InsureMyTesla, но цената не се намали драстично. Плус на сé, одржувањето на овој модел е скапо и комплицирано – деловите се скапи бидејќи ги нема (тоа најдобро го знае сопственикот на претходно споменатиот примерок), а зафатите за поправка на каросеријата специфични.