Претпродукцискиот Taycan од следната моделска генерација брз како молња
Електричните возила стануваат мегдан на кого производителите ги докажуваат своите супериорни можности. Иако е еден од најпризнатите производители на тркачки автомобили, Porsche сака да ја докаже својата супериорност и кај своите изведби кои наместо октаните ги користат електроните.
Развојниот возач на Porsche Ларс Керн го извозе Нордшлајфе на Нурбургринг за 7:07,55 минути. Тоа е за 26 секунди побрзо од неговото последно рекордно возење во август 2022 година со Taycan Turbo S Sport Sedan со Performance Package. Со овие перформанси предпродукцискиот Tycan се квалифицира во групата на електрични хиперавтомобили. Она што го прави овој подвиг респектабилен е тоа што е постигнато речиси исто време во неколку круга.
На крајот од патеката долга 20,8 километри, пред производствениот модел во споредба со сегашниот Taycan Turbo S, за истите 7:07,55 минути, во просек беше побрз за 25 км/ч. Можеби за оние што не ги импресионира брзината овој податок е небитен. Само за појаснување, тоа значи дека за истото време бипоминал 1,3 километри повеќе. Од безбедносни причини, тест автомобилот беше опремен со заштитен кафез и тркачки седишта.
