Кинеската луксузна марка за електрични возила ја отвори својата фабрика во Јужна Каролина.
Поради бариерите кои ги поставува западниот свет за увоз на возила произведени во Кина, големите тамошни марки започнуваат да изнаоѓаат решенија и покренуваат производство во земји кои не се на листата за високи увозни давачки во САД и ЕУ.
Таков пример е Polestar кој започна со производството во Јужна Каролина каде ќе произведува автомобили за пласман во САД и Европа. Првиот модел е кросоверот Polestar 3 кој ги комбинира скандинавскиот дизајн, врвна технологија и одлична динамика на возење.
Воедно овој модел стана првиот произведен Polestar на два континента. Сега Polestar произведува автомобили за Американците во Америка и од таму ќе ги извезува и за Европа.
Компанијата, исто така, презема дополнителни чекори за да го диверзифицира својот производствен опус, со производство на Polestar 4 што треба да започне во Јужна Кореја од средината на 2025 година.
