По повод одбележувањето на 18-тиот роденден, Јавното претпријатие за јавни паркиралишта Паркинзи на Општина Центар одржа крводарителска акција.
Во соработка со Институтот за трансфузиона медицина и Црвен Крст на Република Северна Македонија, вработените во ПОЦ даруваа крв со ентузијазам, демонстрирајќи посветеност на општествено одговорни активности.
Директорот на ЈП ПОЦ и останатите вработени ја покажаа својата солидарност и поддршка на оваа важна хуманитарна акција. „Дарувањето крв е можност за сите нас да направиме разлика во нечие здравје. Благодарни сме на сите кои се приклучија на оваа акција, а истовремено ги повикуваме и другите да се приклучат на крводарителските акции што се одржуваат секојдневно низ државата,” изјави директорот Душко Коцевски.
Крводарителството продолжува да биде важен начин за помош на оние на кои им е најпотребно, а Институтот за трансфузиона медицина постојано организира крводарителски акции низ целата земја. Информации за неделниот распоред на акциите може да се најдат на официјалната Фејсбук страница “Крводалители Македонија”.
