Враќање во историјата
Македонскиот клуб Пежо 404 организираше на настан со кој се одбележа денот на овој легендарен автомобил
Објавено на 5 април 2019 година
Во чест на денот на Пежо 404, годинава по втор пат се одржа дефиле на овие возила кои сведочат и за нивото на култура и статусот на нашата земја во минатото. Тоа започна пред салонот на Peugeot, а потоа се упати кон француска амбасада каде беше одржан и приемот на медиумите и гостите. Еуроимпекс како генерален увозник на марката повторно го поддржа овој настан со свој учесник како дел од возното дефиле, поздравувајќи ги сопствениците на овие возила за нивната искрена љубов и посветеност. Тие пак гордо истакнуваат дека сè уште ги возат своите автомобили и покрај тоа што се стари педесетина години. За ентузијазмот и напорите за нивно одржување во технички исправна состојба тие редовно добиваат признанија од дома и од странство.
Овој настан е секако во рамките на активностите организирани низ целиот свет посветени на зачувување на културното и технолошкото наследство. Изложбата на олдтајмерите произведени од 1968 до 1973 година беше пред француската амбасада, која исто така го поддржа. „Овие автомобили се историјата на Франција и важат за едни од најиздржливите во светот. Бројот на туристи во Македонија се зголемува во летните месеци. Важно е да им се покаже дека и тука се почитуваат принципите на внимателност”, изјави амбасадорот на Република Франција, г-дин Кристијан Тимоние.
Неколку интересни податоци за Peugeot 404:
- дизајниран е од Пининфарина
- првото возило е произведено во 1960 година во Франција, а последното во 1991-вата во Кенија
- се произведуваше во шеснаесет земји на пет континенти
- во Франција се произведени 1,85, а во светот приближно 2,9 милиони примероци
- имаше 5 каросериски изведби – лимузина, караван, купе, кабриолет и пикап
