Единаесетти по ред

Успешната лоза компактни каравани на Opel започна со Kadett

Досегашниот скор на Opel во компактната класа изнесува околу 25 милиони продадени автомобили Opel Kadett и Opel Astra од кои 5,8 милиони се каравани. Импресивната бројка е силна референца, но и уште поголема обврска кога се лансира нова генерација. Со секоја генерација на модели Opel ги направи технологиите од повисоките сегменти на возила достапни за многу купувачи на автомобили. Во исто време, марката продолжува да ги комбинира иновациите од повисоките класи со динамичен дизајн. Претставувањето на целосно новата Astra Sports Tourer во јубилејната година на Opel го означува почетокот на една нова ера во историјата на компактната класа на брендот. Новата Astra Sports Tourer е првиот караван на Opel што го има новото лице на брендот Opel визорот и дигиталниот кокпит Pure Panel, како и стилска двобојна завршна обработка како опција. Дополнително, ја продолжува електричната офанзива на Opel. Новата Astra Sports Tourer е првиот караван на Opel што ќе биде електрифициран – веќе сега како plug-in хибрид, а следната година, исто така, како БЕВ верзија. Но, се започна со Kadett A Caravan во 1963 година. Opel го претстави својот прв караван од компактна класа и брзо стана лидер во сегментот на пазарот. Оттогаш, автомобил „како лесно комерцијално возило“ беше дел од секоја нова генерација на Kadett и Astra. Astra H (2004-2010) беше последниот компактен Opel што го носеше името Caravan до крајот на производството. Во меѓувреме, караваните сè повеќе се менуваа од типични алатки за занаетчии до возила за секојдневна употреба. Според тоа, секој караван на Astra се нарекува Sports Tourer од 2010 година.