Opel ги враќа GS моделите (со видео)

Новитети

Opel ги враќа GS моделите

Во сенка на останатите новитети, Opel во Франкфурт ја покажа и Corsa GS Line

Објавено на 25 септември 2019 година

Буквите GS со или без додавка остануваат трајно врежани во сеќавањата на љубителите на Opel-овите возила. Меѓу нив е и Corsa, која со оваа ознака уште во првата генерација го запали нивниот адреналин. Но, како што обично бива, оваа ознака започна да исчезнува во виорот предизвикан со промените на стандардите и нејзиното значење почна да се заборава. За да не отиде целосно во историјата Opel ја подготви најновата Corsa и во вакво издание, за почеток означено како GS Line. Располага со 1,2 литарски трицилиндричен турбо мотор со 130 KS и 8-степен менувач, со кои во спортскиот режим на работа забрзува до 100 km/h за 8,7 секунди. Максималната брзина изнесува добри 208 km/h, а според фабричките декларации просечно троши 5,6 l/100 km. Не се за занемарување ни емисијата на јагленород диоксид од 128 грама на километар, како и цената од 19.880 евра во Германија. За таа сума купувачот меѓу другото добива двобоен екстериер со црн контрастен покрив и ретровизори, спортски браници и тркала, хромирани издувни цевки, затемнети светла, спортски седишта са црвени шевови, кожен мултифукционален управувач, алуминиумски педали, црвени детали на предниот панел…

Засега сé уште докрај не е јасно дали Opel ќе претстави и вистинска GS верзија на Corsa.

Видео

клучни зборови: ,