Olinia Uno настана како резултат на националниот проект кој има амбиции електричната мобилност да ја направи достапна на широк круг граѓани заради што и доби силна поддршка од владата.
За разлика од бројните други електрични возила на пазарот замислено и изведено е со целосно поинаква филозофија. Приоритет не беа автономијата или перформансите туку едноставноста, практичноста и цената.
Каросеријата е моноволуменска што овозможува максимално искористување на просторот предвиден за шест лица, а ентериерот е флексибилен и може да се прилагоди за различни намени. Погонот е со електромотор сместен назад со едвај 18 коњски сили кои ќе обезбедат максимални 50 километри на час.
И батериите се со скромен капацитет доволен за поминување до сто километри, а полнењето преку стандардна куќна мрежа трае приближно четири часа. Сериското производство треба да започне идната година а цената се очекува да стартува од 8.600 американски долари.
