Хибрид со ванкел мотор кој го чисти воздухот додека вози
Mazda храбро трга кон иднината – Vision-X Coupe е футуристички концепт кој сигурно ќе ја дефинира иднината на марката, не само дизајнерски. Станува збор за модел со два пара врати за кое Јапонците велат дека е кросовер купе заради што нагласува дека буквата X во ознаката се чита крос. Но ако нивната елоквентност во означувањето е дискутабилна, погонот не е – тој е плаг-ин хибриден со ротационен мотор и вкупно испалува 510 коњски сили. Плус и го чисти воздухот додека вози.
Визуелно овој концепт останува верен на Кодо филозофијата на дизајнот на Mazda која еволуираше со чисти и прецизни потези. Предниот крај има затворена маска со остри дневни и тенки главни светла додека профилот го красат елегантно затегнати линии без рачки на вратите и ретровизори. Покривот се протега во долг низок лак кој завршува со изразено вертикален заден дел со разиграни светла.
Внатрешноста ги спојува минимализмот и високите технологии и има дигитална инструменти табла со три тркалезни екрани во ретро стил надополнета со долг екран кој се протега централно и пред совозачот. Рачката на менувачот потсетува на бејзбол топче а задните седишта се единечни. Најпровокативен детаљ сепак е погонот кој комбинира турбо ванкел агрегат, електромотор и батерии кои овозможуваат автономија од 160 електрични километри. А кога пак вози на бензин благодарејќи на горивото на база на микроалги го лови јагленород диоксидот од издувните гасови и испушта воздух во атмосферата кој е почист од неа. Барем така велат.
Иако е прилично сигурно дека овој автомобил нема да заживее како сериски модел, можеме се обложиме дека во иднина ќе видиме многу што од него кај новитетите на Mazda.
