Ново лице и доста промени под кожата
Lexus NX влегува во новата моделска година со невообичаено обемно освежување и унапредувања во скоро сите сегменти. Покрај модернизираниот изглед во фокусот се новите хибридни погонски системи, целосно редизајнираната внатрешност, унапреденото ослонување и бројните технолошки подобрувања.
Основните пропорции останаа исти, ама NX сега изгледа помодерно. Најголемата промена е на предниот дел каде новата маска складно интегрирана во каросерија е проследена со редизајнирани светла, додека назад се забележува нова светлосна графика. Внатрешноста која е инспирирана од новите ES и TZ е заснована на хоризонталната архитектура и комбинира дигитална инструмент табла и централен мултимедиски екран поставени во иста линија на погледот. Новата функција Responsive Hidden Switches ги крие командите сé додека раката не се приближи – дури тогаш копчињата се осветлуваат.
Најголемата техничка новост се однесува на NX 450h+ чиј плаг-ин хибриден систем доби нови литиум-јонски батерии со капацитет од 23 kWh со што електричната автономија порасна на 100 километри. Истовремено вкупната сила е зголемена на 307 KS, а брзото полнење ветува достигнување 80% за околу 30 минути. Новост е и можноста за напојување надворешни уреди со моќност од 1.500 W. Унапреден е и класичниот NX 350h хибрид кој има подобрено ладење на батериите и зголемена ефикасност.
Првите испораки на NX кој е еден од најважните модели на Lexus во Европа се планирани за пролетта 2027-мата. Цените засега не се објавени.
