Јапонците по детални анализи ги открија тајните на кинеските евтини ЕВ возила
Јапонците се темелни во сé што прават. Сакајќи да дознаат како кинеските ЕВ постигнуваат ниска цена, тие купија и расклопија десетина автомобили на кинеските марки, а најмногу под лупа го ставија BYD. По деталните анализи јапонските инженери ги дадоа своите согледувања кои се сведуваат на три клучни резултати
- Внатрешно производство на поголемиот дел од компонентите
BYD, на пример, успева да ги намали трошоците бидејќи самата компанија произведува што е можно повеќе компоненти во своите производствени погони и ги интегрираат во производите. Не се работи само за батериите, туку и за електричните мотори, инверторот, менувачот и контролната единица. Така, освен прозорците и пневматиците, BYD сам ги произведува сите компоненти на малиот Dolphin.
- Мал број на делови
Инженерите од Јапонија беа изненадени од малиот број делови што ги користат BYD и Tesla. Тие се способни да комбинираат компоненти за да ги намалат трошоците. BYD интегрира делови, како што е неговата 8-во-1 платформа, која вклучува мотор, инвертер и редуктор за да ги намали трошоците. Тесла има сличен пристап. Најдобар пример е структурата на Model Y, која се состои од само два главни парчиња наместо 70 посебни елементи како во помалиот модел 3.
- Стандардизирање на делови
Кинезите применуваат делови за стандардизација во повеќе модели на возила благодарение на нивните 100% ЕВ платформи.
Значи, не се работи за евтина работна сила, се работи за иновација и креативност.
