Дојде време за претставување на вториот електричен модел на Jeep.
Наречен Recon, ги задржува класичните теренски пропорции со аглести облини на каросеријата и кратки препусти. Препознатливата маска е изведена како ЛЕД имитација, а како и Wrangler има врати кои лесно и брзо се симнуваат.
Иако некои детали изгледаат премногу шминкерски, Jeep Recon сепак поседува сериозни теренски својства почнувајќи од растојанието од подлогата од 24 сантиметри. Долг е 4,9 метри а пристојната проодност ја добива и од електромоторите моќни 650 коњски сили.
Забрзува до 100 километри на час за 4 секунди а електричната автономија му изнесува 400 километри. Производството ќе се одвива во Мексико, цената е поставена на 65.000 илјади долари а ќе биде понуден и во Европа.
