Живот после животот

Батериите од БЕВ добиваат нова улога кога ќе го отслужат своето во возилата

Постарите батерии од прототиповите и возилата од пред-производството на Jaguar I-Pace продолжуваат да се користат во мобилниот уред за складирање енергија за напојување. Јагуар соработуваше со Pramac, глобален лидер во енергетскиот сектор, за да развие складирање енергија со нулта емисија што работи на дотрајаните батерии од I-Pace. Мобилниот систем користи литиум-јонски ќелии од претходните прототипови и возила од пред сериското производство. Ова е наменето да испорача енергија без емисии секаде каде што пристапот до јавната електрична мрежа е ограничен или непостоечки. Станува збор за батерии чиј капацитет е помал од, обврзувачките за електричните автомобили, 70 проценти. Истите сè уште можат да се користат во опсегот со ниска енергија. Jaguar веќе го користеше системот Second Life во тестовите за Светскиот шампионат во Формула Е за снабдување со електрична енергија на уредите за дијагностицирање. Единицата за складирање ќе биде лоцирана во опитниот центар на Jaguar-Land Rover во Јоханесбург за поддршка на напојувањето од јавната мрежа. Најмоќниот уред за складирање направен од Pramac (Систем за складирање енергија надвор од мрежата, ESS) има капацитет до 125 kWh и може да снабдува стандарден британски семеен дом со електрична енергија една недела. Компанијата користи до 85 отсто од батеријата на возилото испорачана од Jaguar Land Rover директно во единицата за складирање, вклучувајќи ги модулите и жиците. Останатите материјали се враќаат назад во синџирот на снабдување. Единиците, достапни за комерцијални апликации, се опремени со тип 2 конектори за полнење и моќност до 22 kW за да се овозможи полнење батериите на електричните возила.