Жените избраа, а тоа значи дека се во право!
Според нив Hyundai Santa Fe е светскиот автомобил на годината. Стручното жири во кое учествуваат 82 дами од из 55 земји кои ги следат новитетите во автомобилската индустрија оценија повеќе од 80 возила кои лани се појавија на пазарот. Носителот на титулата се бира меѓу победниците по категории – годинава конкуренти на Santa Fe му беа Mini Cooper, Kia EV3, Audi A6 e-Tron, Toyota Land Cruiser и Porsche Panamera. Критериумите покрај вообичаените за секој избор ги вклучуваат и практичноста и едноставноста во користењето и возењето. Затоа и не треба да чуди што поголем дел од победниците на овој избор востановен 2011-та година се кросовери.
