За безгрижно паркирање

Hyundai планира да направи револуција во возењето. Нивната филијала задолжена за производство на компоненти го усоврши системот кој ги свртува тркалата за 90 степени. Тоа не само што значително ги олеснува паркирањето и маневрирањето, туку отвора и нови можности за движење на возилата.

Технологијата која сé уште не е подготвена за производство се состои од поединечни модули на секое тркало кое ги обединуваат системите за управување, ослонување, сопирачките и погонот. Може да се примени кај сите електрични возила, а посебно е интересна за оние со автономни можности. Освен дека сакаат да го вградуваат во своите автомобили, Корејците не објавија никакви детали за тоа кога може да се очекува на пазарот.