Huawei го исполни ветувањето, заедно со групата JAC го претстави петтиот член од своето автомобилско портфолио.
Со гордост бидејќи лимузината наречена Maextro S800 според луксузот ги надминува и најскапите модели на BMW и Mercedes, доближувајќи се до Maybach и Rolls-Royce.
Тоа се гледа и од дизајнот и од габаритите – должината од 5,5 и широчината од два метри. Внатрешноста е исполнета со врвни материјали, покривот изведен како ѕвездено небо а на патниците на располагање им се и сеф за скапоцености и ладилник за пијалаци.
Погонот е електричен со 530 односно 850 коњски сили и 1,5 литарски бензинец кој работи како генератор за струја. И покрај цената која стартува од 130 илјади долари Huawei има намера да продава по 35.000 примероци годишно.
