Со два интересни концепти и новото лого Honda укажува на ЕВ што ќе почнат да ги произведува од 2026 година
Honda на голема врата настапи на овогодинешниот CES во Лас Вегас со два футуристички концепт автомобили кои како да излегоа од научно-фантастичен филм. Наречени Saloon и Space-Hub, овие концепти служат како преглед на претстојната серија „0“ електрични автомобили на марката.
Највпечатливиот од двата модели е несомнено Saloon, со дизајн инспириран од клинестата форма, тренд популарен во 70-тите години на минатиот век. Она што е уште поинтригантно е што Honda потврди дека Saloon ќе послужи како инспирација за инаугуративниот сериски модел на серијата „0“, кој треба да се појави на пазарот во 2026 година.
Првично ќе биде лансиран во Северна Америка, а потоа на останатите континенти без исклучок. Освен неговиот привлечен дизајн и „галебови крилја“ врати, Honda потврди дека се наоѓа на врвот на новата платформа за ЕВ.
Се вели дека ниската и широка надворешност на салонот крие пространа внатрешност подобрена со интегриран човек-машина интерфејс (HMI) и употреба на одржливи материјали насекаде.
Saloon воведува напредок во системот на управување со пренесување на правецот преку жица (steer-by-wire) кој најверојатно ќе бидат вграден во производната верзија. За вториот концепт Space-Hub нема конкретни планови за производство.
Студијата со форма на мини комбе повеќе имаше улога на поддршка и да ја покаже сестраноста на новата електрична платформа и серијата „0“ на Honda. Овој футуристички електричен модел може да се пофали со експанзивен стаклен покрив кој се протега над патниците, овозможувајќи впечатлива панорама на околината.
Зад возачот, затскриениот патнички простор има клупи свртени една кон друга, поттикнувајќи флексибилни распореди на седиштата кои можат да сместат различни патници и да создадат „центар“ што ги поврзува луѓето едни со други и со надворешниот свет.
Space-Hub може да се пофали и со неконвенционален дизајн на задниот дел кој се карактеризира со правоаголна светлосна лента и отсуство на ветробранско стакло. Покрај двата импресивни концепти, Honda го промовира ново лого за претстојните електрични модели.
Неговото користење ќе започне со промовирањето на серијата „0“. Според компанијата, овој нов дизајн симболизира „две испружени раце“, одразувајќи ја посветеноста на Honda да ги „прошири можностите за мобилност и да продолжи да ги задоволува потребите на своите клиенти“.
