Австриската Magna се покажува како добра солуција за кинеските марки
Како последица на воведувањето на царините за електричните автомобили во Европа, кинеските производители во своите планови вклучуваат отворање на фабрики на Стариот континент. Но за тоа треба време и пари, а ним им се брза. Затоа и австриската Magna која со децении е договорен производител на возила за други марки се покажува како добра солуција. Посебно сега кога останува без BMW Z4 чија кариера наскоро завршува. Така после XPeng пред некој месец сега и GAC производството на Aion V за Европа им го довери на Австријците. Со тоа кинеската компанија полесно може да го продолжи своето ширење на европскиот пазар.
Aion V е компактен СУВ сличен по големина на Volkswagen ID.4 кој досега се продаваше само во Финска, Полска и Португалија. Има автономија од 650 километри а цените му стартуваат од 36 илјади евра.
