Freelander се врати, овој пат како марка со британски дизајн, кинески технологии и глобални амбиции.
Ја покренаа заеднички Jaguar Land Rover и Chery кој ќе биде задолжен за производството на возила. Првото веќе е покажано и носи ознаката Concept 97 со што се асоцира на годината во која дебитираше оригиналниот Freelander.
Неговиот дизајн дело на Гери Мекговерн комбинира повеќе познати елементи од светот на Land Rover. Робусните пропорции и нагласените крила потсетуваат на Defender додека некои детали како на пример светлосните потписи се инспирирани од постарите Range Rover модели.
Сребрените елементи на предниот и задниот дел кои имитираат заштитни плочи за подвозјето додаваат дополнителна доза теренски карактер а малото триаголно стакло на задниот столб е јасна референца на некогашниот тривратен Freelander. Техничката основа е сенаменска – платформата поддржува архитектура од 800 волти и повеќе видови погонски единици.
Во прв план е целосно електрична верзија а предвидена е и плаг-ин хибридна варијанта наложена од глобалната стратегија прилагодена на различни пазари и афинитети на купувачите. Деталите допрва ќе ги дознаваме – засега се знае само дека од новата марка за наредните пет години се предвидени шест модели.
