Ford ги израдува љубителите на перформансите со посебната изведба на Mustang
Следејќи ги постулатите на ултимативниот GTD и Dark Horse, новата верзија на американскиот пони е автомобил фокусиран за тркачка патека но со поприфатлива цена. Има 5,2 литарски компресорски V8 мотор чиј број коњски сили не е објавен но се очекува да изнесува околу 700.
При конфигурирањето на автомобилот се искористени бројни подобрувања преземени од GTD моделот а каросеријата претрпе опсежни аеродинамични преработки. Редизајнираната маска има зголемени отвори, алуминиумската хауба е нова а задниот дифузор и спојлерите ја оптимизираат стабилноста при големи брзини.
Стандардни се MagneRide адаптивните амортизери, пружините се ревидирани а Brembo сопирачките унапредени. Перформансите ги подобрува и опционалниот тркачки пакет опрема составен од 20-инчни тркала од јагленородни влакна, специјални пневматици и варијабилна контрола на силата со повеќе нивоа на интервенција.
Внатре воланот е со рамно дно, се среќаваат акценти од карбон и алкантара а достапни се и Recaro спортски седишта. Цената не е објавена но се очекува да биде шестцифрена.
