Ferrari како бренд кој го негува своето педигре остро се бори против копиите на своите производи
Имиџот се гради со години, а се руши со само еден потег, заради што сите премиум марки остро се борат против копиите на нивните производи. Меѓу нив е и Ferrari, кој ќе го награди секој оној што ќе пријави нивни фалсификат производ. Наградите не се јавно познати но очигледно се исплатат бидејќи лани се запленети и уништени повеќе 400.000 лажни производи на кои бил истакнат логото на Ferrari. Најмногу парчиња облека – преку 100 илјади, потоа 91 илјада пара очила, скоро 61 илјада рачни часовници, 30 илјади парфеми, по околу 17 илјади пара чевли и торби, повеќе од 13 илјади каиши, 11 илјади и петстотини етикети и 900 модели на автомобили, но и 800 електрични тротинети и 3 автомобили.
